على اسم مصر.
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر.
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر.
=========================
ما هى مصر هى هى نفس التراب نفس السما
والنيل بردو هو هو مايه حلوة حتى وهى عكرة مرفضتش انها تلمع تحت الشمس
والهوا برده هو هو بس مش فى المركبة الغرقانة اللى اسمها المدنية تلاقيه فى قريه
فمنحنيات النيل مستخبياه
بس الناس شكلهم اتبدلو هو مين يصدق ان اجدادنا بنو الاهرامات
دا حتى من كتر مالعالم كله مستتفهنا بيقولوا ان اللى بنى الاهرامات
مش اجدادنا دى كائنات فضائية
بس المصيبة اننا نخلينا كده لأ وايه شويه شويه بنسوء اكتر و اكتر
وهما من زمان من ايام ابتدائى بيقولوا علينا جيل شؤم وفقر
وتيمز فى اعدادى و نظام جديد ف ثانوى على اساس ان احنا صحيح بنتعلم
هو احنا صحيح فقر ونحس وشؤم؟
بس ازاى هو احنا اللى قلنا لمهيب الركن يغلى الاسعار
ولا يمكن احنا اللى اتصلنا بامريكا وقلنالها فى صفحتين
بانزين عند ابو عدى تعالى اضربيه وخديهم
ولا يمكن احنا طالبنا الحكومة تشيل الدعم
علشان باسم الله ما شاء الله المرتبات ف السما
وايه كمان لأ دا المصيبة بئت اتنين دلوقتى
يعنى لو العالم مكلناش عشان احنا مصريين
هيكلنا عشان احنا عرب
ولو مش كده طلعلنا فى البخت الاخ عضو البرلمان الهولندى
ال ايه المسلمين دول طفيليات ضارة بالبشرية ويجب ازالتهم
يعنى يا حلو انت وهو لو فلت من مصيبة مش هتفلت من اخواتها
بس يا جماعة انا كده بات اصدق ان احنا فعلا جيل منحوس
أه صحيح انا نسيت المصيبة الرابعة بصفتنا يعنى
طلاب صيدلة طنطا لأ ودى مصيبة وقعنا فيها
بالفعل وجوه صيدلة يا معلم مستنيك شوية مقالب
يعنى لو فلت من عضوية هتوئع ف العقاقير
او ميكرو او سيوتكس او حتى علم رفس(نفس)
يعنى ضايعين ضايعين
لا مفر
============================================
وحته كده لابونا جاهين:
إقلع غماك يا تور وارفض تلف
اكسر تروس الساقية واشتم وتف
قال بس خطوة كمان .. وخطوة كمان ..
يا اوصل نهاية السكة يا البير يجف
حته كمان:
كام اشتغلت يا نيل في نحت الصخور
مليون بئونه وأَلف مليون هاتور
يا نيل أنا ابن حلال ومن خِلفتك
وليه صعيبه عليّ بس الأمورعجبي
